منتدى حلم ليبيا
السلام عليكم مرحبا بكم في منتدى حلم ليبيا نتمنا تسجل معنا وتقضي وقت ممتع معنا وشكرا


منتدى حلم ليبيا
 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول
السلام عليكم ورحة الله وبركاته في منتدى حلم ليبيا نرجو منكم القضاء معنا أوقات ممتعة
إدارة المنتدى تمنح فرصة للاعضاء على الحصول على الاشراف

شاطر | 
 

 نكت ضحك ليبية

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
مبدع
حلم نشيط
avatar

الجنسية : ليبيا عدد المساهمات : 56
نقاط : 154
تاريخ التسجيل : 07/04/2013

مُساهمةموضوع: نكت ضحك ليبية    الأحد أبريل 07, 2013 12:39 pm


انشا الله تعجبكم
--------------------------------------------------------------------------------

واحد سكران طينة امعكس في الشارع في الليل لقي سوادني شاد شكاير كناسة قاله ربي ايصون.


--------------------------------------------------------------------------------

سكران خاطم من قدام عزاء .. حالة وفاء يعني قال الي اهل الميت راهو ما فيش امل يرجـــع.


--------------------------------------------------------------------------------

في شيباني ليبي امشي لبرنامج من سيربح المليــون امش سأله جورج قرداحي قاله من جاي معاك ,,, الشيباني قاله أمـــي ,, امشي جورج قرداحي قاله عنــجد أمـــك "يعني بجديات".. قاله الشيباني عنجـــد بـــــوك.



--------------------------------------------------------------------------------

واحد ماشي في الطريق و عنده بيحــو القي واحد عنده مكسمة امشي قاله شنو رايك انديرو افاري ,,قاله صاحب المكسمة تي شنو تحسابني خروف انبدل مكسمة بي بيجــو ,,قاله صاحب البيجــو هادي فيها سر امشي اضرب على الكوفني اطلع مارد قاله برا جيب شاهي و كاكوية... امشي صاحب المسكمة افرح ,, بدلو لي بعضهم,, روح صاحب المكسمة بالبيجـو قالوله اهله يا مهبول اتبدل مكسمة بالبيــجو ,,,قاللهم هادي فيها سر اضرب على الكيفنو جاه المارد قاله جيبلي 2 ليبو و1 مكسمة ,,قاله المارد أسف اختصاصي شاهي و كاوكية بس.


--------------------------------------------------------------------------------

في ثلاث طلبة عندهم امتحانات ,, و هما سينسة مش قارين شي قالو انخشو على البركة و خلاص و اي واحد يعرف حاجة ايقول للثاني المهم جاهم سؤال : كــم عدد ارجل النعجة ,, ما عرفوش ,, اثنين سلمو وراقيهم و واحد اقعد ,, بعد ما تم الوقت ,, قالوله علاش ما قلتناش كم عدد ارجل النعجــــــة,,, قاللهم و الله ما فيها كيف المراقب كان جنبي ما اقدرتــــش انطلع النعـــــجة


--------------------------------------------------------------------------------

قالك في واحد القي بــراد شاهي.. حكــــه اطلعله مارد قاله اطلب شنو تبي ..قاله نبي تبنيلي كوبري من الرجبان لي امريكا ,,, قاله لالا يا راجل اطلب حاجة ساهلة شوية ,, تي شنو كوبري من الرجبان لي امريكا,,, قاله باهي نبي ليـــبيــا تربـــــح البرازيــــل,,,, قاله المارد ما قوتليش تبي الكوبري ــــ يرفع و يجيب ولا يرفع بس.


--------------------------------------------------------------------------------

في واحد خاطم و عنده حمار ماشي بيه ,, القاه صاحبه ,, اقعد يتسهوك عليه ,, قاله تعرف يا راس و الله اعرفت الحمار و انت ما اعرفتكش.... قاله عادي ,, الحميـــــر تعرف بعضها


هاع هاع هاع هاعه
--------------------------------------------------------------------------------

في واحد صاحبنا امشي لي طرابلس القي خلاط امتع عصير قامه و اقعد يفحص فيه ما يعرفاش شنو هوا قال و الله لما نشري واحد و اروح بيه... المهم روح بيه للبلاد ,, جابه للجماعة حطوه في النص ,, و دارو عليه دورة ,, و يفكرو فيه شنو هوا,, بعد سعتين و الا ثلاث ناض اذكى واحد فيهم على اساس ,, قاللهم و ربي الكعبة ما يطلع الا غسالة شخاشير


--------------------------------------------------------------------------------

في اعمى خاطم في الشارع.. امشي شدت عليه سيارة فرينو اقريب ضرباته ,, اقعد يعيط ايه تي شوطه شوطه اقتل عمه


--------------------------------------------------------------------------------

قالك راعي عنده سعي ,, ما عمـره ما اركع ركعة في حياته,,يوم قال لازم انصلي ,, المهم جي بأصلي الركعة الاولى ,,ماتتله عنز ,, صلى الركعة الثانية
ماتت عنز ثانية ,, ما تم صلاته لين مات السعي كله معاش قعدله كان عنزة وحدة ,, المهم امقعمز في الليل راقد ,, جت العنز اتصيح بحداه , ناضله قاللها, تي بترقدي و الا انشوطك بركعة


--------------------------------------------------------------------------------

قالك سواق تاكسي امركب زوز سكارى ,,ماشي في الطريق اضرب راجل بالسيارة ,, قال لي واحد من السكارى ,, تراه انزل شوفه مات و الا لا ,, انزل السكران ,, قال للسواق تراه قدم شوية ,, تراه توا وخــر ,, خلاص,, تواهكي مات

--------------------------------------------------------------------------------

قالك واحد خـواف قالت له حبيبته نتمنى انمـوت بين احضانك ,,, قاللها مـوتي عند اماليك و فكينا من المشاكل


--------------------------------------------------------------------------------

قالك واحد روح جيعان ,, كيف بيتغدا القي الغداء مالح اتكنطى ,, خش الدار لحقاته مرته قتله خلاص ماتزعلش توا انديرلك مساج ,,قاللها عليا الطلاق اديريه ماني واكله

--------------------------------------------------------------------------------

قالك واحد اخنب سيارة وماشي يبي يبيعها,, خنبوها منه , روح لي خوته قالو له بقداش بعتها قاللهم و الله براس مالها

--------------------------------------------------------------------------------

قالك واحد شاف صاحبه يجري ,قاله خيرك شن فيه قاله صاحبه مراتي صارلها تسمم واكلة خمسة كيلو حوت,,قاله و انت ماشي بأتجيبلها الدكتور ,,قاله لالا بنمشي انجبلها خمسة كيلوا ثانيات



واحد في الحمام ايصيح وين الشامبو ... قالوله عندك في الحمام قاللهم هذا للشعرالجاف وأنا شعري مبلول

واحد يغني في حفلة الجمهور يصيحوله "سروالك مشروك" قاللهم تباهي باودي توا نغنيها ههههههه يسحابها اغنية

واحد فتحوا شيل جنب حوشهم .. قال ياسلام الواحد يعبي بنزينة علي رجليه

سودانية حلمت بسيارة مليانة فحم مشت سألت مفسر أحلام ... قالها:هذا العريس هو وعيلته

وحدين خنبو بنك .. قبضوا عليهم فى نفس الليله علاش؟؟ ... كاتبين ذكريات عالخزنة

متزوج مصرية روّحلها حرجان, قالتله مالك حصلك ايه؟ قالّها حماري خنبوه, قالتله ولا تزعل دي دخلتك عليا بمية حمار

بوبريص يكذب علي صاحبتة يقوللها أنا كنت تمساح راهو .. غير هلكني الشرب والسهر والدخان

الحمار ينهق وهو مغمض عيونه ،، علااااش؟ ... لانه حافظها صم

واحد كندرته إتمزقت خيطها .. بعد أسبوع شافها تحسنت نحّالها الخياطه

واحد مسطول شاد ثلجة تقطر عليه .. قال آه كان نعرف التسريب من وين

وحدين صاحبهم انحرق سعفوه ورفعوه للمستشفى, الدكتور قالّهم غريبة الكسور أكثر من الحروق؟ قالوله ماهو طفيناه بالبالات.


واحد يهدرز على وحدة وبيدير روحه هابي فاميلي .. قالتله وين تقرأ .. قاللها في كورنتيا


كتكوت يعاكس في كتكوتة .. قالتله ماعندكش أهل يربوك .. قاللها لا لا امفقص في مكينة


قال الطبيب للمريض : وصفتلك هذا الدواء امشي عليه خمسة أيام ثم راجعني ، وبعدخمسة أيام متحسنتش حالته فسأله الطبيب :تاخذ في الدواء أو لا ؟ قال أيه نصب فيه على الأرض ونمشي عليه



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الصمود
حلم جديد
avatar

الجنسية : ليبيا عدد المساهمات : 24
نقاط : 56
تاريخ التسجيل : 07/04/2013

مُساهمةموضوع: رد: نكت ضحك ليبية    الأحد أبريل 07, 2013 1:09 pm

♥مــــشــــكــــور♥
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
القناص
صاحب الموقع
صاحب الموقع
avatar

الجنسية : ليبيا عدد المساهمات : 250
نقاط : 451
تاريخ التسجيل : 05/04/2013

مُساهمةموضوع: رد: نكت ضحك ليبية    السبت أبريل 20, 2013 4:56 pm

شكرا وننتظر منك كل جديد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://libyana.7olm.org
 
نكت ضحك ليبية
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى حلم ليبيا :: مندى الترفيهية :: نكت وفرفشة-
انتقل الى: